മേയ് 4 ന് തിരഞ്ഞെടുപ്പ് ഫലം വരുന്ന ദിവസമാണ്. ചിലർ ജയിക്കും ചിലർ പരാജയപ്പെടും. മത്സരമാകുമ്പോൾ അതെല്ലാം സ്വാഭാവികം. വിജയിച്ചവരുടെ പക്ഷക്കാർ ആഹ്ളാദം പ്രകടിപ്പിക്കുക എന്നതും സ്വാഭാവികമാണ്. ആഹ്ളാദിച്ചു കൊള്ളുക, പക്ഷെ അതിരുവിട്ട ആഹ്ളാദം പൊതു സമൂഹത്തിന് ശല്യമാണ്. അതിനാൽ ആഹ്ളാദിക്കുന്നതിന് ചില സമയമൊക്കെ നിശ്ചയിച്ചിട്ടുണ്ട്. പേരാവൂർ നിയോജക മണ്ഡലത്തിലെ ആഹ്ളാദ പ്രകടനങ്ങൾക്കുള്ള നിയന്ത്രണങ്ങൾ പൊലീസും സർവ്വകക്ഷിയോഗവും ചേർന്ന് പ്രഖ്യാപിച്ചിട്ടുണ്ട്. അവ ചുവടെ ചേർക്കുന്നു. സമയവും സന്ദർഭവും സാഹചര്യവും ഒക്കെ നോക്കിയും കണ്ടും വേണം ആഹ്ളാദിക്കാനും അത് പ്രകടിപ്പിക്കാനും. അത് മറക്കണ്ട. ആഹ്ളാദം അതിരുവിട്ട് പ്രതിഷേധിക്കാൻ അവസരമുണ്ടാക്കരുതെന്ന് സാരം.
1.ഓരോ മണ്ഡലങ്ങളിലും ജയിക്കുന്ന പാർട്ടികൾക്ക് അന്നേ ദിവസം വൈകീട്ട് 5 മണി വരെ ആഹ്ലാദ പ്രകടനം നടത്താം.
2.നിയമസഭ തിരഞ്ഞെടുപ്പിൽ കേരളത്തിൽ കൂടുതൽ സീറ്റുകളുമായി വിജയിച്ചു വരുന്ന പാർട്ടിക്ക് വൈകുന്നേരം 5 മണി മുതൽ 8 മണി വരെ ആഹ്ലാദ പ്രകടനം നടത്താം.
3.ബിജെപി ക്ക് വിജയം ഉണ്ടായാൽ വൈകീട്ട് 5 മണി മുതൽ 7 മണി വരെ ആഹ്ലാദ പ്രകടനം നടത്താം.
4.എതിർ പാർട്ടിക്കാരുടെ വീടിനും ഓഫീസിനും മുൻപിൽ പടക്കം പൊട്ടിക്കരുത്.
5.ആഹ്ലാദ പ്രകടനത്തിന് ഉപയോഗിക്കുന്ന മൈക്ക് വണ്ടികൾ എന്നിവക്ക് മുൻകൂർ അനുമതി വാങ്ങേണ്ടതാണ്.
6.വലിയ കൊടികൾ റോഡിൽ വീശിയും, റോഡിൽ വെച്ച് പടക്കം പൊട്ടിച്ചും പൊതു ജനങ്ങൾക്ക് ബുദ്ധിമുട്ട് സൃഷ്ടിക്കരുത്.
7.ഇലക്ഷന്റെ ഭാഗമായി സ്ഥാപിച്ച ബോർഡുകളും കോടി തോരണങ്ങളും ഉടനെ മാറ്റേണ്ടതാണ്.
8.പാർട്ടി ഓഫീസ്, ക്ലബ്ബുകൾ എന്നിവയുടെ സുരക്ഷക്ക് ആവശ്യമായ cctv ക്യാമറകൾ സ്ഥാപിക്കേണ്ടതാണ്.
അപ്പോൾ എല്ലാം ഈ തീരുമാനപ്രകാരം നടക്കട്ടെ.
Have fun, but don't go overboard!
